einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1474 der engel genôzschaft:wan dû wær ie der beste.' ir jâmer was sô veste daz sî sich roufte und zebrach. dô daz her Îwein ersach,1479 dô lief er gegen der tür, als er vil gerne hin vür zuo ir wolde gâhen und ir die hende vâhen. Dô daz diu juncvrouwe ersach,1484 sî zôch in wider unde sprach 'saget, wâ welt ir hin, ode wâ habt ir den sin genomen der iu diz geriet? nu ist vor der tür ein michel diet:1489 diu ist iu starke erbolgen. irn wellent mir volgen, sô habt ir den lîp verlorn.' alsus erwant in ir zorn. sî sprach 'wes was iu gedâht?1494 wær iuwer gedanc volbrâht, |